तांबुळगाव येथे देशभक्तीमय वातावरणात विविध उपक्रमांचे आयोजन करण्यात आले.

तांबुळगाव येथे देशभक्तीमय वातावरणात विविध उपक्रमांचे आयोजन करण्यात आले.

पालम प्रतिनिधी:- ८० व्या स्वातंत्र्य दिनाच्या निमित्ताने काळबाजी बापुजी माध्यमिक विद्यालय, तांबुळगाव येथे देशभक्तीमय वातावरणात विविध उपक्रमांचे आयोजन करण्यात आले.

या विशेष कार्यक्रमात विद्यार्थ्यांच्या शैक्षणिक, क्रीडा व विविध क्षेत्रातील उल्लेखनीय कामगिरीचा गौरव करण्यात आला. गुणवंत आणि उत्कृष्ट कामगिरी करणाऱ्या विद्यार्थ्यांना मेडल व पुरस्कार देऊन सन्मानित करण्यात आले. तसेच विद्यार्थ्यांना प्रोत्साहन मिळावे आणि त्यांच्या शैक्षणिक वाटचालीला हातभार लागावा, या उद्देशाने शालेय साहित्याचे वाटप करण्यात आले.

या कार्यक्रमाला विद्यार्थ्यांचे पालक, विद्यालयातील शिक्षक व कर्मचारी तसेच चार गावांतील नागरिक मोठ्या संख्येने उपस्थित होते. उपस्थित मान्यवरांनी विद्यार्थ्यांना मार्गदर्शन करत देशाच्या प्रगतीमध्ये युवकांची भूमिका महत्त्वाची असल्याचे सांगितले.

विद्यार्थ्यांच्या चेहऱ्यावरचा आनंद, पालकांचा उत्साह आणि नागरिकांची उपस्थिती यामुळे स्वातंत्र्य दिनाचा हा सोहळा अधिकच उत्साहपूर्ण आणि संस्मरणीय ठरला.

“गुणवंत विद्यार्थ्यांचा सन्मान, शिक्षणाला प्रोत्साहन आणि राष्ट्रनिर्मितीचा संकल्प” या भावनेतून साजरा झालेला काळबाजी बापुजी माध्यमिक विद्यालयाचा हा स्वातंत्र्य दिन निश्चितच प्रेरणादायी ठरला.