शेख अशपाक आणि सय्यदा सबीहा यांना डॉ. ज़ाकिर हुसैन आदर्श शिक्षक पुरस्कार प्रदान

 शेख अशपाक आणि सय्यदा सबीहा यांना डॉ. ज़ाकिर हुसैन आदर्श शिक्षक पुरस्कार प्रधान

बीड प्रतिनिधी :- जिल्ह्यातील आहेर चिंचोली येथील श्री. नारायणा माध्यमिक विद्यालयाचे सहशिक्षक शेख अशपाक कय्युम आणि जिल्हा परिषद प्राथमिक उर्दू शाळा पेठ बीड च्या सहशिक्षिका सय्यदा सबीहा बेगम लईख अहेमद यांना ज्येष्ठ स्वतंत्रता सेनानी शिक्षण महर्षी राष्ट्रपती डॉ. जाकिर हुसैन राज्यस्तरीय आदर्श शिक्षक पुरस्काराने गुरूवार दिनांक ५ सप्टेंबर रोजी सन्मानित करण्यात आले. 

शिक्षक दिनानिमित्ताने दैनिक समर्थ राजयोग चे संपादक वैभव विवेक स्वामी, साप्ताहिक शिववाणी च्या संपादिका तथा आश्रय सेवा केंद्र बीडच्या अध्यक्षा शेख आयेशा रफीक यांच्यावतीने शहरातील हॉटेल निलकमल येथे मान्यवरांच्या उपस्थितीत पुरस्कार वितरण समारंभ संपन्न झाला. यावेळी संपादक वैभव स्वामी, मराठी पत्रकार संघाचे प्रदेशाध्यक्ष वसंतराव मुंडे, ज्येष्ठ सेवानिवृत्त शिक्षक मसियोद्दीन, ज्येष्ठ सेवानिवृत्त मुख्याध्यापक कमालुद्दीन, मा.आ. सय्यद सलीम, ज्येष्ठ संपादक काझी मखदूम, माहिती अधिकारी अंजली मॅडम आणि संपादिका शेख आयेशा यांच्या प्रमुख उपस्थितीत शेख अशपाक आणि सय्यदा सबीहा यांना आदर्श शिक्षक पुरस्काराने सन्मानित करण्यात आले. हा पुरस्कार त्यांनी  कुटुंबीय व मित्र आप्तेष्टाच्या उपस्थितीत स्विकारला. त्यांना पुरस्कार मिळाल्याबद्दल समाजातील सर्व स्तरातून दोघांचे अभिनंदन होत असून शुभेच्छांचा वर्षाव होत आहे. यापुढेही दोघांच्या हातून शिक्षण क्षेत्रात विद्यार्थी आणि शिक्षणाकरिता भरीव कामगिरी होत रहावी अशा सदिच्छा व्यक्त केल्या जात आहे.