गणेशोत्सवात विविध कार्यक्रमाचे आयोजन
उमरगा -तालुका प्रतिनिधी :- उमरगा तालुक्यातील सुपतगाव येथील मानाचा गणपती असलेल्या श्री जय हनुमान सार्वजनिक गणेश मंडळाच्या वतीने यंदाच्या गणेशोत्सवात विविध कार्यक्रमाचे आयोजन करण्यात आले आहे. या गणेश मंडळाला पाठीमागील काळात 'एक गाव -एक गणपती ' व उत्कृष्ट गणेश मंडळ म्हणून सन्मान मिळाला आहे. प्रत्येक वर्षी विविध उपक्रम राबवून वेगळी ओळख या मंडळाने केली आहे.
दररोज शालेय विद्यार्थ्यांसाठी विविध स्पर्धेचे आयोजन करण्यात आले आहे. यात. संगीत खुर्ची, लिंबू चमचा, विविध प्रकारचे खेळ, प्रश्न मंजुषा, ज्ञान स्पर्धा, रांगोळी स्पर्धा, अशा विविध स्पर्धा घेण्यात येणार आहे अशी माहिती मंडळाचे उपाध्यक्ष संतोष विभुते यांनी दिली.
आरतीला येणाऱ्या भाविकांसाठी दररोज काही गणेश भक्तांकडून दररोज प्रसाद वाटप होत आहे. या कार्यक्रमांस मंडळाचे अध्यक्ष नागनाथ हेंडले, सचिव राजेंद्र लामजने, कॅशियर सुधाकर हेंडले, दत्तात्रय गिरी, राजाप्पा बिराजदार, योगेश गुरव, गंगाधर करके, ज्ञानेश्वर लामजने, रतन लामजने, निळकंठ लामजने, यांच्यासह पदाधिकारी परिश्रम घेत आहेत.
0 टिप्पण्या