तलवारी बाळगणारे दोघे जण ताब्यात.......? खुलताबाद पोलिस स्टेशनला नोंद.....
प्रतिनिधीं मुनिर शाह बाजार सावंगी :- खुलताबाद तालुक्यातील तीसगाव तांडा व तीसगाव येथे खुलताबाद पोलिसांनी दोन तलवारी पकडल्या असून दोन्ही तलवारी जप्त करण्यात आल्या आहेत. पोलिसांनी दोन आरोपींना ताब्यात घेतले आहे.
खुलताबाद पोलिसांनी दिलेल्या माहितीनुसार खुलताबाद पोलिस ठाण्याचे पोलिस निरीक्षक धनंजय फराटे यांना तीसगाव तांडा व तीसगाव येथे दोन व्यक्तींनी आपल्या घरात तलवारी लपून ठेवल्याची गोपनीय माहिती मिळाली होती. त्या नुसार पोलिस निरीक्षक धनंजय फराटे पोलिस हेडकॉन्स्टेबल शेख
जाकिर मनोहर पुंगळे, किशोर गवळी, भरत ठोंबरे यांनी तालुक्यातील तीसगाव तांडा येथे मंगळवारी रोजी दुपारी एक वाजेच्या सुमारास समाधान राजु राठोड यांच्या घरावर धाड टाकली. घराची झाडाझडती घेतली असता पुडाच्या खोलीत अंदाजे तीन फुटाची लांब तलवार पलंगाखाली ठेवलेली सापडून आली. पोलीसांनी तलवार जप्त केली व तलवार बाळगणारा समाधान राठोड याला ताब्यात घेतले. त्या नंतर तीसगाव येथे मंगळवार रोजी दुपारी अडीच वाजेच्या सुमारास श्रीधर आत्माराम जगताप यांच्या घरावर छापा टाकला व श्रीधर यांच्या घराची झाडाझडती
घेतली असता श्रीधरने मागच्या खोलीत कपाटाखाली अंदाजे तीन फुटाची लांब तालावर लपुन ठेवलेली काढून दिली. पोलीसांनी तलवार जप्त केली असून श्रीधर जगतापला ताब्यात घेतले आहे. एकाच दिवशी खुलताबाद पोलिसांनी दोन वेगवेगळ्या ठिकाणाहून दोन तलवारी पकडल्या असून दोन्ही तलवारी पोलिसांनी जप्त केल्या आहेत. विना परवाना तलावारी घरात लपून ठेवणाऱ्या दोन जणांवर खुलताबाद पोलिसांनी रात्री उशिरा गुन्हा दाखल केला असून पुढील तपास पोलिस निरीक्षक धनंजय फराटे यांच्या मार्गदर्शनाखाली सुरू आहे.
0 टिप्पण्या