पालम तालुका काँग्रेस कमिटीची महत्वपूर्ण बैठक संपन्न
पालम तालुका प्रतिनिधी / अवधूत जाधव
दिनांक 30/ 7 /2024 रोजी विधानसभा निवडणुकीची तयारी म्हणून प्रदेश काँग्रेस कमिटीच्या प्राप्त पत्रांमुळे परभणी जिल्हा काँग्रेस कमिटीच्या नेमलेल्या काँग्रेस कमिटीच्या पदाधिकाऱ्यांच्या मार्गदर्शनाखाली महत्त्वपूर्ण बैठक पालम तालुका काँग्रेस कमिटीचे अध्यक्ष कृष्णा भाऊसाहेब भोसले यांच्या व सर्व पदाधिकाऱ्यांच्या समवेत संपन्न झाली
आगामी विधानसभेच्या निवडणुकीची पूर्वतयारी म्हणून प्रदेश काँग्रेसने घालून दिलेल्या विषयांच्या संदर्भात पालम तालुका काँग्रेस कमिटीचे निरीक्षक म्हणून जिल्हा काँग्रेस कमिटीने नियुक्त केलेले श्री अँड हनुमंतरावजी जाधव साहेब यांच्या अध्यक्षतेखाली पालम तालुका काँग्रेसचे अध्यक्ष कृष्णा भाऊसाहेब भोसले यांनी तालुक्यातील सर्व शहरी व ग्रामीण पदाधिकाऱ्यांसमवेत बैठक बोलावली या बैठकीमध्ये नवयुवकांचा मतदार यादी मध्ये समावेश करणे मयतांना मतदार यादी मधून वगळणे तसेच बूथ कमिट्या त्यांचे कार्य समुपदेशन या सर्व बाबींवरती ठोस काम करण्याच्या अनुषंगाने संबोधने मार्गदर्शन इत्यादी गोष्टी वरती लक्ष केंद्रित करणे तसेच जिल्हा काँग्रेस कमिटीला बी एल ए व बी एल ओ च्या याद्या मागील महिन्यामध्ये लेखाजोखा देण्यात आलेला आहे त्यावर ती सुद्धा महत्त्वपूर्ण चर्चा झाली.
त्याचप्रमाणे सध्या राज्यात असलेल्या युती सरकारच्या गलिच्छ राजकारणावरती मागील काळामध्ये केलेल्या त्यांच्या कार्यावरती नाराजी आंदोलने उपोषणे व जन आक्रोश मोर्चा या सर्व गोष्टींवरती चर्चा करून पुढील काळामध्ये पिक विमा, ग्रामीण रस्ते , घरकुल , वीज दरामुळे त्रस्त असलेले महावितरणचे ग्राहक , तसेच जिल्ह्यामध्ये सतत चालू असलेल्या पावसामुळे झालेल्या पिकांच्या नुकसान व पूर परिस्थिती या विषयावर गांभीयाने आंदोलने या सर्व बाबतींवरती नजीकच्या काळात आंदोलन करून सर्वसामान्य शेतकरी तथा शेतमजुरांना दिलासा देण्याचे काम तथा सर्व सामान्य लोकांना न्याय मिळवून देण्याचे काम काँग्रेस कमिटीतर्फे करण्यात येईल अशी आश्वासन सर्वांसमवेत बोलत असताना कृष्णा भोसले यांनी निरीक्षक श्री अँड हनुमंतराव जाधव यांच्यासमोर दिले
0 टिप्पण्या