सार्वजनिक ठिकाणी वृक्षारोपण केल्याबद्दल एस.एम.युसूफ़ यांचा सत्कार

 सार्वजनिक ठिकाणी वृक्षारोपण केल्याबद्दल एस.एम.युसूफ़ यांचा सत्कारणी

बीड प्रतिनिधी :- नुकतेच २९ जुलै  २०२४ रोजी बीड शहरातील जुने एस.पी. ऑफिस आणि जिल्हा रुग्णालय रस्त्यावर चला थोडंसं वाचूया व्हाट्सअप ग्रुपच्या माध्यमातून वृक्षारोपण केल्याबद्दल ग्रुप ॲडमिन तथा मुक्तपत्रकार एस.एम.युसूफ़ यांचा एक शाम मोहम्मद रफी साहब के नाम यादे रफी या गीत संगीताच्या कार्यक्रमात सत्कार करण्यात आला.

चला थोडंसं वाचूया व्हाट्सअप ग्रुप कडून वर्गणी गोळा करून जुने एस.पी. ऑफिस रस्ता आणि जिल्हा रुग्णालय रस्त्यावर १५ झाडे लावण्यात आली. ग्रुप कडून करण्यात आलेले हे कार्य समाजोपयोगी तसेच पर्यावरणाला हातभार लावणारे असल्याने वृक्षारोपणासाठी पुढाकार घेऊन कार्य केल्याबद्दल चित्रपट जगतातील पार्श्वगायक मोहम्मद रफी यांच्या पुण्यतिथी निमित्ताने डॉ. बाबासाहेब आंबेडकर सामाजिक न्याय भवन येथे ३१ जुलै २०२४ रोजी घेण्यात आलेल्या एक शाम मोहम्मद रफी साहब के नाम यादे रफी या गीत संगीताच्या कार्यक्रमात ग्रुप ॲडमिन तथा मुक्तपत्रकार एस.एम.युसूफ़ यांचा कार्यक्रमाचे आयोजक तथा गायक एम.एम. शेख यांनी हृदयी सत्कार केला. यावेळी गायक तथा निवेदक आकाश जाधव, शेख मज़हरुद्दीन, शेख मुजीब, जनार्धन वडमारे, संध्या जाधव, अस्मिता आहिरे, निशा उजगरे, आशा भारती, ससाने मॅडम, कृष्णा पांगरे या गायक गायिकांसह शेकडो गीत संगीत श्रोत्यांची उपस्थिती होती.